当前位置: 查字典范文网 >> 《情圣》粤语全剧本

《情圣》粤语全剧本

格式:DOC 上传日期:2023-08-25 00:33:02
《情圣》粤语全剧本
时间:2023-08-25 00:33:02     小编:

导游:ok! everybody come out! here is stanley bay. let take pictures here.

(程胜着住解放军军装喺对面岸游紧水过嚟)

导游:hey, everybody come here. look at the illegal immigrant come from Mainland China. come on! come on! follow me! follow me!

鬼佬(拉住程胜膊头):hey, don't go away.

程胜:唔好拉我!唔好拉我!唔好拉我!

(鬼佬争相同程胜影相)

程胜:唔好!唔好影!唔好拉我哩!

(左右腾)

导游:哎呀,唔系拉你,畀啲鬼佬影张相啫。

程胜:有钱畀冇呀?

导游:有嘅。

程胜:喂!

导游:咩呀?

程胜:我重带咗啲中国嘅出土文物落嚟㖞。问佢有冇兴趣?(喺腰间嘅袋入便扐咗啲假嘢出嚟)

*导游:喂!卖到你抽啲佣畀我呀。

导游(手揸假嘢):wei! everybody, look at the antique.

*程胜:七千几年历史架,呢啲古董呀。(提导游)同佢哋讲吖,有美金畀美金,冇美金畀英镑吖。碌卡都有办法架。

另一班人:鬼佬!very cheap! very cheap!

程胜:喂!你……

条友:阿胜,你都算卑鄙喇,噉呃鬼佬?

程胜:呢啲唔系叫呃,呢叫食脑。你抢我生意呀,僆仔?

条友:黐线!鬼佬你嘅?(继续叫卖)very cheap! very cheap!

差人甲(行过):喂!有冇搞错呀?当呢度街市呀?

尖叫声:走鬼呀!

*条友:快啲走呀!匿埋!

差人乙:哎!由佢啦,总台call喇!哎,行啦!

(程胜吓到舂个头入去啲沙里便)

导游:everybody!……

(程胜上到岸)

程胜:好彩头先匿得快,唔系断正。

士多佬:喂!有电话,程胜!

几条友(异口同声):我系情圣,边个揾我呀?

程胜(举手):喺度!揾我嘅。

李力持(喺度搞搞震):我系情圣,揾我嘅吓哗?(接过电话)喂!

程胜:死开你呀,四眼仔!性病有你性!

*士多佬:喂!程生,你重咁滋阴,你条女话要飞你喇。

李力持:家阵我唔够quali做情圣咩?(拧转头,李力持即刻走夹唔唞)

程胜:从来只有我阿胜飞人架啫。

士多佬:哦!噉即系话连阿珍嘅电话都唔使听啦。

程胜(抢过电话,扮晒嘢):喂!阿珍呀,咩事呀?

阿珍:阿胜呀,我而家要嫁人呀!

程胜:唔系啩?!喂,我爱你架㖞,你傻咗呀?

阿珍:唔系呀,阿妈话,要揾个有钱老公嫁先得架,讲感情系冇用架!

程胜:你讲笑咋吓哗?喂!有事慢慢讲,阿珍。我而家即刻嚟揾你呀。你喺边呀?啊?阿珍呀!

旁人(催促阿珍):快啲啦!快啲啦!

阿珍:我而家要去教堂行礼呀,系噉吖,拜拜!(收线)

程胜(跪地):阿珍,求吓你你!唔好呀,阿珍!

(程胜飞奔)

(程胜同几个人争的士)

程胜:的士!的士!

甲:做咩呀?

程胜:大佬呀,大佬,我赶住去结婚呀,大佬,喂!

的士司机(吓一跳):哗!

细路(无端端戙咗喺程胜面前,重满面笑容):哥哥!哥哥!

程胜:咩事呀,小朋友?

细路:同我开罐汽水吖,唔该。

程胜:冇问题。暂停呀。(开汽水,点知畀汽水喷咗一面)

细路:死喇!妈咪快啲呀,抢到的士喇!

细路妈咪(一脚踢开程胜):(普通话)走开啊!

(的士开走咗)

*甲:噉样死喺条细路仔手上,你真丢架!呸!

乙:呸!

丙:呸!

(程胜参加跑步比赛)

啦啦队:快啲呀!快啲呀!

程胜:有冇红豆冰呀?

啦啦队:冇呀,黐线!

(终点)

计分员:快啲呀!快啲呀!

(程胜攞咗第一名)

程胜:阿珍,等埋我呀!

(婚礼现场)

程胜:唔该借歪!阿珍,唔好嫁畀佢呀!

阿水:做咩呀喂,嗰条友?

程胜:阿珍!

新郎哥:唔好理佢,上车。够钟喇。

(程胜畀几条友捉实) 大话 周星驰站 zhouxingchi

程胜:行开呀!阿珍!

(程胜扑上架车)

其他人:快啲上车追佢哋啦。

程胜(猛咁拍车窗,猛咁嗌):阿珍!阿珍呀!

新郎哥(惊到飞起):唔好停车呀,呢条友癫架!

(程胜擒上车顶)

(程胜倒竖个头喺司机面前)

司机:走呀!走开呀!快啲走开呀!走呀!走呀!

程胜:我叫你停车呀!

(架车突然减速,程胜中晒招,撞亲嗰度,痛到反艇)

程胜:你咁阴毒!

(程胜打烂车顶车窗,成半个身钻咗入去)

新郎哥:出返去!出返去呀!快啲出返去呀!出返去呀!

(司机急速掟弯,以为卖甩咗程胜,点知重未完。)

(程胜好顽强地喺车底爬返起身)

(程胜为咗避开啲垃圾筒,无奈跳落车)

(程胜爬返起身,奋力喺后窗飞入架车,果然好身手。)

新郎哥:出去!出去呀!

程胜:阿珍!阿珍!你唔好咁冲动呀!你听我讲,你唔可以嫁畀佢架!

阿珍:点解你唔畀我同佢结婚㖞?

新郎哥:点解你要拆散我哋吖?

新郎哥(落车):傻佬!你揾错教堂嘞!

程胜(心知大事不妙,猛咁赔罪):对唔住,老世!我错呀,老世!我祝两位白头到老,永结同心。

(新郎哥马仔即时赶到)

新郎哥:我唔想再见到佢!同我打到佢不似人形!

某君:tiger,咬佢!

(程胜惨遭皮肉之苦)

(拳头如雨点)

*程胜:哎呀!哎呀!打好喇!只狗唔好咬呀!

*阿珍:咪打!等我嚟!

程胜:畀次机会我!

*阿珍(加入战圈,打埋一份):仆你个街呀!

(程胜去师父屋企拜访,带埋两樽水做手信。)

程胜(敲门):师父!

师父(扭衫):你唔死我死!我同你死过!

程胜:搞咩呀?(用力拉门,师父翻咗个身,然之后仆倒)

师父:哎呀!

程胜:师父你做咩呀?

*师父:乜水呀?你做乜呀?

程胜:哦,抹紧地。

(四位师母喺度打紧雀)

一师母:放心啦,唔死得嘅。

其他三师母:喂!阿胜!

程胜:早晨,几位师母!

程胜(行埋去师母嗰度):哗!自己洗衫呀?洗衣机坏咗咩呀?

师父:有人整紧呀。

(条友失精无神喺个洗衣机里面钻个头出嚟,吓得我)

*条友:啊,兄台呀,唔该帮手攞啲士巴拿嚟吖。

(程胜递士巴拿畀佢)

条友:唔该呀。

三师母:喂!阿胜呀,乜咁耐唔见你上嚟嘅?

二师母:系呀。

四师母:唔使啦。

程胜(笑口噬噬):所以咪即刻蒲头吖。

一师母(见到程胜拎住两樽水,重以为系咩郇嘢):哗!有好嘢呀?

程胜:有呀。

二师母:啱唔啱我哋使呀?

程胜:二师母你真醒目呀。嗱,我喺大陆经过蜀山买咗两樽神仙水。

二师母:系咩牌呀?

程胜:专畀女人用嘅。可以滋阴养颜。

三、四师母(惊诧):啊!

*程胜:男人重好呀!专治肾亏不举,起死回生呀。

四师母(异口同声,异常兴奋):哎呀!真嘅?

*师父:我唔需要呀,留返畀你自己用啦,死仔包!

三师母(声大夹恶):你试吓唔用喇。

四个师母(齐声):我哋一定唔放过你呀!洗衫啦!

程胜:我都系为你哋着想架啫。

*二师母:喂喂喂!几多钱啫?我哋畀你呀。

*程胜(推搪):唔好!唔好!千祈唔好呀!两三毫子唔好计佢,大家自己人。

一师母:哎呀!

*程胜:唔好!千祈唔好呀!两三毫子呢啲无谓呀。

*一师母:噉两三毫子都系钱嚟架嘛。大家自己人,唔好客气。(畀咗三毫子程胜)袋返佢喇吓。继续打啦。

三师母:好呀。

四师母:系呀。

程胜:我话两三毫子呢,其实就即系两三千。

一师母:得架喇。得架喇。都话大家自己人喇,袋咗佢啦。袋咗佢啦。唔好客气㖞。

(程胜冇好气噉行开咗)

师父(拉住程胜衣领):死仔包,屈得咁辛苦呀,先屈得个三毫子?

程胜(摊开手板):要啦。

师父:成日都唔使嚟揾吓师父,梗系成日挂住沟阿珍啦。

程胜:唔好再喺我面前提阿珍,我已经飞咗佢。

师父:点解呀?

程胜:飞佢唔起呀?呢啲噉嘅女仔,贪慕虚荣,水性杨花,下流贱格!

四个师母(齐声):边个讲我哋呀?

程胜(拉师父出嚟顶,指住师父):佢呀。

师父:唔系呀,我哋讲紧楼下只狗乸咋嘛。

四师母(同三师母讲):系呀,只狗乸成日勾狗公架。好咸架!

(师父欲举拳打程胜,程胜喺个袋度扲出一张一千文纸塞入师父袋,师父停晒手)

程胜:悭啲使吖。

师父:噉多谢呀。

(二人出咗房间)

程胜(递烟):师父,咪话我话,我喺孤儿院出嚟跟到你而家。

(师父问程胜借火)

程胜:冇,我冇火架。你硬系唔肯过你最精嗰瓣沟女桥过我架。

师父:沟女?你提都唔好提呀。你师父当年就系为咗情仙呢个绰号呀,搞到今时今日咁折堕呀。当年湾仔四大公主我一日就沟到,而家做埋我老婆啦,喺入便打埋牌呀,噉又点样得架?

程胜:好吖。

师父:好?好话?好我让晒畀你。

程胜:我意思系好惨呀!

师父:你知咪好啰。所以我哋食脑之人呀,绝对唔可以提个情字,只有一个字,就系钱。为咗钱,我哋一定要做到绝情绝义。

程胜:唔使吓哗?

师父:你想唔想出人头地吖?

程胜:想呀!

师父:想你就要听师父讲,要绝情绝义!

程胜:我明嘞,师父。

师父:你明就最好喇。

(程胜反转猪肚,攞返一千文)

*师父:你做乜咋?

程胜:重有嗰三毫子呢?

师父:吖!你个死仔!

程胜(两头望):速磅,唔好两头望呀,僆仔!

师父:我冇两头望吖!

*程胜:哎吔,你窜我,光头佬?!快啲开返三毫子嚟,快啲呀!(左右caau3,卒之caau3到嗰三毫子,仓促离开)

*师父(揸住栏杆):好呀,好呀,令代,你已得到我嘅真传喇。他日必成大气呀!

(程胜想截的士,畀几个人抢先)

甲:的士!的士!

甲:喂喂!

乙:我截先架。

甲:我截先架。

*阿婆:喂,我截先架。作死呀?你虾我阿婆吓哗?

(又有一个师奶仔加入战圈)

师奶仔:我截先架!行开呀!

……

大话 周星驰站 zhouxingchi

(程胜计上心头,啪断咗街边嘅一支铁枝,揸住佢扮盲。)

(五个人争到头崩额裂)

……

程胜:救命呀!唔该,有冇人可以救吓我呀?唔该。

(程胜扮跌亲)

(几个人停止争斗,走去扶起程胜)

甲:你冇事嘞嘛?

师奶仔:真系可怜呀!

阿婆:有冇嘢可以帮到你架?

*程胜:冇事!冇事!你哋真系好心呀,唔该晒。哦,我盲嘅,噉我赶住去医院呢就系做眼角膜移植手术吖嘛。(行去车尾)点知又揾极都揾唔到车㖞。(开车门)哎,呢架系咪的士嚟呀?(正想钻入去之际)

五人:的士?!唔系呀!(将佢掹返出嚟)

*甲(恶扬扬):盲佬都够胆同我争的士?未死过!

(五人打到程胜应应)

甲:插爆佢只眼。

(师奶仔坐收渔翁之利,上咗车)

师奶仔:司机,快啲开车!

乙:哎呀,畀个八婆上咗车添。

甲:真系唔抵呀。

丙:噉又系。

阿婆:噉而家点呀?

乙:点呀?点呀?自己截过啦。(趸低程胜,散水)

(毛毛见到有机可乘,即刻开架车埋去程胜身边。)

*毛毛:喂!眯埋眼先生,系咪想截车呀?我车你一程吖。

程胜(面露喜色):噉,噉点好意思呀?

(车内)

程胜:喺香港地真系好难揾到啲咁有同情心嘅人。

毛毛(食住香口胶揸车):呢度好难截车嘅。帮吓伤残人士都好应该架。

程胜:多谢。

毛毛:去边呀?

程胜:港澳码头吖。

毛毛:接人呀?

*程胜:玩玩两手噉啦。

毛毛:识听骰嘅?

程胜(大笑):啊,赌圣咩你估?

(撞啱红灯,架车停咗落嚟)

(毛毛喐手挞程胜身上啲钱)

(程胜忽然拧转头,毛毛吓咗一跳)

(毛毛揾只手喺程胜面前抰吓抰吓,证实程胜系盲嘅,睇唔到嘢嘅。噉就继续做嘢。)

程胜(突然弹起只手):啊,而家几点呀而家?请问。

毛毛(睇表):两点半。

程胜:哦,重赶得切。重赶得切。

(转咗绿灯,后面架车嘟嘟声噉嚟催促毛毛开车)

程胜(大嗌):哎呀!架车系咪开紧架?

毛毛:系呀。

程胜:我多口问句咋嘛。

毛毛:开紧架。

程胜:快啲得嘛?

毛毛:好呀。好呀。

程胜:唔该。

(毛毛开动架车)

(毛毛将架车怼去行人道嗰度,然之后停低架车,搞到好似撞车噉嘅样。)

毛毛:哎吔!

程胜:what happen呀?

毛毛:我车到人㖞。

毛毛(落车):点呀?你见点呀吓?(一个人做晒两个人嘅戏,又扮自己又扮阿婆)哎呀,阿婆,你见点呀?

*“阿婆”:好痛呀,你又车断我只脚,一地都系血,快赔钱来。

毛毛:哎呀,我唔够钱添。你等等吓。先生,你可唔可以借住少少钱畀我赔畀人呀?

程胜:配畀边个呀?

毛毛:我车到嗰个阿婆啰。

程胜:我睇睇佢。(落车)

毛毛:吓?

程胜:阿婆!阿婆!你喺边呀?

毛毛(扮阿婆):好辛苦呀,好辛苦呀。赔钱呀!快赔钱呀!

程胜:阿婆!阿婆,你见点呀?

“阿婆”:好辛苦呀!哎呀!

程胜(掴咗毛毛一巴):使死唔使呀?

*“阿婆”:快呀!快呀!你快啲赔钱呀,我揾差人拉你架!

程胜:系㖞,差人都未嚟呀,等差人嚟至算啦。

*“阿婆”:差二!差二!有差二来呀。差二呀!差二!

程胜:喺边呀?

毛毛(又扮差婆):我系差人!阿婆,点解你断手断脚一地都系血架?盲佬,你车到人快赔钱嘞㖞。

程胜:唔赔得嘛?

“阿婆”:唔赔我拉你架,你唔惊呀?

程胜:拉我唔惊架㖞,唔使死啫。你唔会即刻枪毙我吓哗?你估你解放军呀?你揾解放军嚟我就惊嘞。

毛毛:咁啱,解放军嚟添。

程胜:唔系哗?

毛毛(扮解放军):(普通话)他xx的,盲佬,你在这里干什么?

*毛毛(做返自己):个盲佬车倒人哋唔赔钱㖞。

毛毛(扮解放军):(普通话)赔钱!他xxxx的,不赔钱一枪baang6瓜你!

程胜:我唔识听国语架㖞。

*毛毛(扮阿婆):个解放军话叫你赔钱,唔赔钱一枪baang6瓜你话!

毛毛(扮解放军):(普通话)干你娘的!快赔钱!不赔钱一枪baang6瓜你!

*程胜:都唔惊架㖞,你一枪打我即死都冇乜所谓架㖞。除非你揾只狗嚟慢慢咬死我我就怯嘞。

毛毛:有头狗!

程胜:冇咁跷啩?

(毛毛扮狗)

程胜:讲咩呀,狗?

毛毛(扮狗):我话叫你快啲赔钱,如果唔系就咬死你呀。

程胜:唔好啩。(除咗副眼镜)监生畀你咬死好凄凉架噃。

*毛毛(恍然大悟):哦,原来你扮盲嘅嚟呃我!

*程胜:系呀。我只系识扮盲架咋,其他狗呀噉嘅嘢,蛇虫鼠蚁呀全部都唔晓嘅。(撑住根盲公竹走咗去)

毛毛(追上):先生,既然大家都系扮嘅,噉即系大家都系食脑架啦。

*程胜:我就食脑嘅,你就扮狗嘅。大家分清楚条界线好。

*毛毛(拉住程胜):先生,我欠咗班贵利好多数呀。如果我重唔还钱畀佢哋,佢哋揾人嚟拉我架嘞。

(毛毛喊咁口)

程胜:揾滴眼泪睇吓有冇呀?

毛毛:有架。你等等呀。

程胜:等到几时呀?

*毛毛:等阵就有嘞。

*程胜(笑毛毛唔够水准):你噉嘅程度去考艺员训练班都唔收你。噉样学人出嚟揾食?有冇搞错呀?使唔使我过条靓桥过你呀?阴功!

毛毛:好呀。

程胜:嗱!而家呢条马路啦,你求祈揾架车,冲出去诈假意畀架车撞倒。(走去马路中央)跟住乘机有得屈啰。(咁啱畀架车撞到)

毛毛:小心呀!

(架车撞烂咗,程胜冇事)

毛毛(走去马路中央):你见点呀?

程胜:学嘢呀,细佬。

程胜(大喝一声):喂!我只脚断咗㖞。点解救呀?

(个司机落车,身材魁梧到高程胜半个身位咁多)

司机:靓仔,我架车都撞烂咗㖞。噉又点计呀?

程胜:好易计啫。(喺个袋度攞咗两千文出嚟)呢一千文系我赔畀你架车。(畀咗一千文佢)呢一千文系我仰慕你请你买嘢食。(畀多一千文)

司机:噉你只脚都断咗㖞。

*程胜(笑):傻啦,我唔小心过马路,应该畀你车死架嘛。你净系车断我只脚,我都唔知点感激you。扶我去医院。

(架车开走咗)

程胜:辛苦晒喇!一路顺风!

毛毛:头先嗰条桥好似好似好似好似……

程胜:好嘢哩?

毛毛:啊?

*程胜:又过多招畀你喇。钟意可以揸架车喺马路度,睺吓睇吓有冇戆居佬,盲舂舂舂出马路嗰啲呀。一架车就怼埋去,怼完佢重要屈。你见我头先畀人屈得几成功呀。就知系旷世绝桥嚟吖。

毛毛(万分仰慕):啊,阿哥,你用桥真系出神入化,佩服佩服!

程胜:佩服就交学费呀。头先口述五千,亲身示范一万,加埋万七。

毛毛:加埋好似万五咋㖞。

程胜:咪即系我畀人屈嗰两千唔计呀?你唔好诈诈谛呀!

毛毛:冇钱呀。

程胜:冇?

毛毛:我冇钱架,我真系冇钱架!

程胜:唔好扮嘢呀!唔使畀钱呀?快啲呀!

(程胜攞咗毛毛个包出嚟,caau3匀都揾唔到钱)

毛毛:冇哩,唔使caau3,我真系冇钱架。

程胜:住喺边呀?返屋企攞呀。 大话 周星驰站 zhouxingchi

(背景音乐略带悲伤)

*毛毛:我冇屋企架,冇人理我,我条仔又撇我,剩返我孤苦伶仃咩都要靠自己架。我剩返一只表,系我妈临死之前留畀我嘅。(除低手上只表)我当畀住上期先啦,我屈到再畀你吖。我屈到以后赎返架。

程胜:过主!过主!当我唔好彩!(程胜冇好气噉行开咗)

毛毛:唔该晒呀!唔该晒呀!

(程胜听到身后有架嘎然而止,原来就系毛毛嘅贵利佬)

马仔甲:死八婆!我揾你好耐喇。你好还钱喇!

(毛毛吓到冇鞋挽屐走)

马仔甲:咪走呀!喂!

马仔乙:企喺度呀!

(毛毛畀班友迫到入一个倔头巷里面)

马仔甲:重捉唔到你?

毛毛:唔好吖!

马仔乙:咪嘈呀!

马仔丁:老世!

*排骨(揢住只脚):戆居!

马仔甲:行快啲!

排骨:死八婆!唔还钱,重想走?教训佢!

程胜(又试扮盲):你哋做咩呀?喂!好放咗我女朋友咯㖞。唔系我报警架!

排骨(笑):揾个盲佬做你条仔?你cheap唔cheap啲呀?(走去对付程胜)玩嘢吓哗?你个死盲佬!(扑空)

程胜:嗱,唔好再嚟喇!

排骨:ada! 企喺度!唔好喐!ada! ado! ada! ado! ada! ada!

(程胜避过晒啲拳脚)

(排骨一个起飞脚误中自己友)

(程胜副眼镜跌咗落地)

排骨:噉你都避到?好嘢吓!死盲佬,有啲料到噃!

大话 周星驰站 zhouxingchi

(程胜转身,翻白眼)

排骨:唔通你就系……

程胜:冇错,(摆个谰潇洒嘅姿势出嚟)我就系盲侠。

马仔乙:盲侠?

排骨:你好嘢,盲佬!撇嘞!(撤退)

(点知马仔乙一个屈尾十,返转头将程胜ung2落地,搞到程胜穿晒煲,今次断正。)

*马仔乙:去死呀!哦!好大嘅眼呀!大佬,佢睇到嘢架。

毛毛:做乜今次避唔到架?

*程胜:挂住扮吖嘛。

排骨:返去等大佬慢慢搞掂。

(贵利公司)

(贵利王揸住把日本武士刀,一下将马仔头上嘅苹果切开两半,马仔吓到标晒汗。)

马仔(猛咁擦鞋):哗!老世,好犀利呀!老世,好嘢!真系刀法如神,出神入化,佩服呀,老世。好嘢!好嘢!做咩呀,老世?

贵利王:使乜咁惊呀?抹吓啲汗啦。

马仔:头先真系有少少惊呀,噉都畀你睇得出呀?老世,好嘢!

贵利王(走去门后面):呢把刀,系三岛由纪夫曾经切腹用过。切腹,系需要无比嘅勇气。(度门突然畀人打开,贵利王一声惨叫)

(排骨同几个马仔带住程胜、毛毛入咗嚟。)

排骨:大佬呢?

马仔:喺嗰便呀。

(贵利王扮嘢)

排骨:啊?大佬!边个怼冧你?讲畀大佬听,等大佬同你报仇。讲畀大佬听,边个怼冧你?

(贵利王慢慢抽出把刀,原来冇事。)

排骨(笑):连大佬都玩㖞。衰仔呀,同我开玩笑。(同贵利王搭晒膊头)

贵利王(咬耳仔):如果你唔系我亲大佬,我早就怼冧你嘞。

*贵利王(见到程胜同毛毛):呢两条友又系做咩架?

排骨:条八婆唔肯还钱,重揾条仔出头添。

毛毛:随便坐呀,随便坐呀,唔好客气。

程胜:唔好客气。

毛毛:坐呀。坐呀。

程胜:其实呢我……

(两个人畀马仔乙扚返起身)

程胜:其实我就唔系佢条仔嚟嘅,大家误会啫。

贵利王:我唔理你边个打边个,噉有冇钱还吖?

毛毛:有,我有,我迟啲还畀你啰。

贵利王:即系冇啦。扚佢去影相。

马仔乙:去影相呀。

*程胜:你而家算点先?呢啲唔关我事架嘞。无端端拖埋我落水。

马仔:望镜头吖。

(程胜同毛毛摆咗谰型嘅姿势)

程胜:无端端拖埋我落水。累死呀,呢镬真系!

毛毛:你听我讲,我真系冇哩。

*贵利王:八婆!我畀多七日时间你,如果冇钱还嘅。(将幅相切开两半)就好似呢幅相噉,好自为之呀!

毛毛:张相影得好靓呀,睇吓。睇吓。

程胜:甫士摆得几好呀。

*毛毛:系呀!系呀!

贵利王:赶佢哋走!走啦!

马仔乙:行呀!

程胜:咪住,其实噉呀,我唔识,我唔识佢架喂。

排骨:走!走!走!

贵利王:你都走!

(排骨走埋)

马仔:大佬呀,里便条友肯认嘞。

贵利王:扚佢出嚟吖。

发哥:哗!焗死人咩?(坐低)

贵利王:整容都整得几掯架㖞,焗咗成三个钟头都冇走样?而家肯认嘞咩?

发哥:认!认!认!我认呀。

贵利王(睇凌万峰张相):以前个样咪几好?做乜整到而家噉嘅衰款呀?

发哥:我都系走头无路,焗住噉做啫。笔数就有呀。

贵利王:噉即系冇得还啦。

发哥:哦,唔系,我实有得还嘅。大弟哥呀,通融多几天啦。

贵利王(搭住膊头):嗱,大家咁熟,咪话我唔关照你呀。而家有单郇嘢益你嘅。

贵利王:呢间屋嘅屋主去咗度假,要成个月先返嘅。

(凌万峰翻睇本书)

贵利王:你就同我入去攞晒啲古董畀我。

发哥:喂喂喂!噉点得呀?噉咪即系叫我偷嘢?我……我系食脑架嘛。

贵利王:同我扚佢入去焗多几个钟。

*马仔:系嘅。等我嚟。

凌万峰(耍手拧头):唔好!唔好!大弟哥,有商量!有商量嘅。

贵利王:系咯,啲古董就归我,啲家私就归你,你卖咗出去咯,噉咪有钱还返畀我啰。

发哥:不过,间屋咁大,一定有宾妹架㖞。

贵利王:你食脑架嘛。你得架啦。掂呀!一于系噉呀。

(街边)

程胜:我做错咗啲乜嘢?我做好心啫,都要搞成噉?

*毛毛:对唔住呀,我有机会报答你吖。

程胜:我唔想再见到你,你同我弹开。弹开!即刻弹呀!弹快啲呀!

毛毛(转身走):哦!哦!哦!

程胜:喂!

(毛毛停晒脚)

*程胜:死八婆,你咁冇义气呀哗你?你够胆就噉走咗咩你呀?你帮我搞掂返佢呀。而家你冇钱还,斩你斩埋我架,大佬呀。

毛毛:我对你唔住呀,我将功赎罪吖。

程胜:你点将功赎罪呀?

毛毛:我明嘞。

程胜:你明乜嘢呀你?

毛毛:我识做架。

程胜:你识做乜嘢吖?

毛毛:我即刻做吖。

程胜:喂!

(毛毛企喺马路中央,搞到啲车连环相撞)

(毛毛爬上顶头架车)

司机甲:喂!你有冇搞错呀?你点揸车架?

*司机乙:我都唔想架。系无端端舂出嚟㖞。

……

*毛毛:哎呀!撞断人只脚呀。赔钱呀!快啲赔钱呀!断咗只脚呀!落咗落地喇!哎呀!赔钱呀!快啲呀!

司机甲:八婆,你做咩呀?

毛毛:赔钱呀!赔钱呀!

程胜:赔咩呀?(一把拉咗毛毛走夹唔唞)

司机甲:咪走呀!追佢呀喂!我架车够烂晒啦。

程胜:虽然你系蠢,低b,戆居,发型又老土,着衫不知所谓。重要冇波冇身材。但我念在你几有姜呀,个鼻又几高。畀你跟我学吓嘢呀。

毛毛:多谢!多谢!

程胜:记唔记得头先同你讲嘅计划?(戴返顶帽)

(两个人鬼鬼鼠鼠)

毛毛:喂!喂!噉我哋入去偷嘢,算唔算系做贼架?

*程胜:屋里面冇人呢就系做贼,有人就系叫食脑。嗱,做任何嘢呢,至艰难嘅就系第一步嘅,而家我哋点样令到人哋肯畀我哋入去屋里便呢?呢下就讲求高度嘅智慧同无比嘅勇气呀。

毛毛:我有呀。

程胜:呢两样嘢就系你最缺乏嘅。睇我点做。揿钟。

(毛毛揿门钟)

程胜:睇做戏吖。

(有人应门)

条友(一身住家男人打扮):入嚟呀,入嚟呀,嚟呀,嚟呀。

程胜:我哋嚟……

条友:嘘!——

条友:快啲吖!入嚟呀!

(两个人入去间屋)

条友:你哋嚟做咩呀?

程胜:我哋接到投……

条友:嘘——,(条友个肥老婆食食吓嘢瞓着咗,成身污糟邋遢)千祈唔好嘈醒我老婆呀。

程胜、毛毛:哦!

毛毛:我哋接到投诉话你呢度好似系漏煤气㖞,系咪呀?吓?吓哗?

(程胜造马,喺条友身后喷嘢,条友木知木觉。)

条友:系呀,系呀,系呀,好大朕味呀,跟我入厨房呀。

程胜(吩咐毛毛):睇吓周围有冇值钱嘢吖。

毛毛:哦,知道。

(厨房)

条友:个掣喺度呀。

程胜:系吗?

条友:点呀?情况点呀?

程胜:帮我揿住先。

条友:哦,好呀。

程胜:听唔听到吱吱声?(喺条友身后喷嘢)

条友:系呀,系呀。重好大朕味添呀。

程胜:漏气嘅情况好严重,我要即刻班救兵嚟。(出门)千祈唔好放手呀!

(毛毛好心做坏事,畀程胜误会咗佢,以为毛毛杀咗条女。)

程胜:喂!你唔系?

*毛毛:哎!头先好危险呀。佢拎住把刀呀。噉我哋呢……

(程胜吓到揞住块面)

毛毛:唔使惊,趁而家未有人发觉,我哋快啲揾啲嘢走喇吓。

程胜:你都唔使杀佢架。

(毛毛突然间傻笑起上嚟)

*程胜:你重笑得落你?你咁狼毒你!我畀你累死嘞,死八婆!

(程胜将毛毛ung2埋一便,咁啱撞晕咗条友)

(程胜重以为条友死咗)

毛毛:哎呀,我点会……

程胜:你有冇搞错呀?连续怼冧两件?我要报警。

毛毛:哎!哎!哎!你合埋口听我讲先啦。

程胜(猛掴毛毛):重有乜嘢好讲呀?你重有乜嘢好讲呀?你系咪重累我唔够呀你?

*毛毛:我揸住把刀架。

程胜:你重想杀埋我?

(程胜叉住毛毛条颈)

(挣扎中程胜唔小心踹到电视遥控器,开咗电视机,电视声嘈醒咗个肥婆)

肥婆:你两个做咩呀?老公,佢两个入嚟做咩架?

条友:佢哋嚟整……整煤气架。

程胜:啊,系呀,我哋整煤气嘅,我哋。

肥婆:噉整好未呀?

程胜:我整好嘞,你呢?

(毛毛点头)

(毛毛摆低把刀)

程胜:噉走嘞。打搅晒呀,唔该。(走)

条友:唔该。

肥婆:你个衰佬吖,无啦啦放两条友入嚟?你作死呀?死呀!

(程胜揸车)

程胜:点解头先你唔同我讲呢?

毛毛:你一路叉住人条颈㖞,合唔埋口点讲啫?

程胜(口唔喐都讲到嘢):边个话讲唔到嘢呀?唔好话你蠢?又少日时间扑水呀。睇嚟都要落啲本。听日嗱嗱声去买两张叶倩文演唱会飞吖。

毛毛:点用呀?

程胜:攞嚟摆落人哋嘅信箱度,啲人梗系贪小便宜架嘛。见到无端端有飞咯,重唔成家人扑晒去睇演唱会咩?噉间屋就变咗冇人,冇人就系我哋世界喇。

毛毛:间屋冇人咪即系做贼?

程胜;噉系我食脑令到间屋冇人吖嘛。所以依然都系食脑。

毛毛:目标呢?

程胜:就呢间呀。(生滋猫入眼)

(两个宾妹畀个宾仔使咗去旅行,搞到间屋冇晒人。)

(发哥出现,攞起宾仔摆喺门口嘅锁匙,一架车随即赶到,车身写住:誠信清潔服務公司)

甲(落车):发哥呀,啊,条宾仔几醒㖞,噉样搞掂啲宾妹?

发哥:唔好讲咁多喇,入去先。

(推开门,三人畀眼前嘅景象吓咗一惊)

发哥:哗!

甲:哗!间屋好大呀!

乙:哗!好靓呀!

发哥:哎,唔好挂住睇喇。嚟嚟嚟,照单执药,爽手啲。

(三人分头偷古董)

(电话铃响)

电话录音:呢个系电话录音,请你喺嘟一声之后留低说话。(嘟)阿陈呀,我识得个大商场嘅太子爷jackie,大后日呢会由美国嚟香港搞啲投资,你好好哋招呼佢,到时实有你着数架。系噉吖。

乙(放低心头大石):好彩冇事。

发哥(脑筋一转):咪住先!你哋摆返好啲嘢。我谂到条发达桥呀。快啲!快啲!

(仁爱财务有限公司) 大话 周星驰站 zhouxingchi.cn

发哥:嗱,屋主下个月先返……

排骨:噉我哋就有大把时间set个局……

发哥:我扮屋主,跟住呃埋嗰个jackie……

发哥:所有嘅古董全部落晒我哋袋,跟住呢再呃埋嗰个jackie。

排骨:大佬呀,咁大条水鱼食得唔好嘥呀。大佬呀,我呢条桥正呀哩?

发哥:我都系噉谂。

贵利王:我大佬谂到嘅桥就唔系咩发达桥啦。不过噉,大家咁熟,我帮返你一次呀。

发哥:噉呃到嗰啲钱……

贵利王:咪五五分账咯。

发哥:真架?

*贵利王:啲古董我借埋畀你又点话啫?

发哥:大弟哥,你真系好人呀,我一定唔会令你失望架。

贵利王:畀心机做喇。

发哥:(上海话)谢谢侬!我一定会努力做架。

(满心欢喜噉出去)

排骨:细佬呀,点解五五分账咁益佢啫?

贵利王:吓!唔畀啲甜头佢呀,佢点会努力做呀?

排骨:噉都唔使五成咁多架?

贵利王:嗰五成?系古董啲租嚟咋。

排骨(终于都开窍喇):呀,系㖞,噉咪即系全部都落晒我哋袋?(笑)细佬真系好嘢!

(发哥扮到成个老爷噉款慢慢行落楼)

甲、乙、丙:发仔!

发哥:叫老爷呀!

甲:啊,系呀,叫老爷。

丙:老爷。

乙(揸住程胜塞落信箱度嘅嗰两张演唱会飞):啊,老爷呀,我喺信箱度揾到几张演唱会飞。

发哥:哎呀,唔好贪小便宜呀,因住因小失大!记住,要准时返工哦。

甲、乙:系。

丙:系,老爷。

(甲乙丙离开)

发哥(细思量):而家重争个老婆。

(夜总会)

(萍姐同大只佬拗手瓜)

某甲:咩料呀喂?

*某乙:哗!大只佬同条女

萍姐:嚟吖。

某丙:肥仔,我买重你架。

*裁判:一二三,去!

(萍姐输咗)

*某丙:哗!好嘢,又抵我赢钱嘞,今次赢

萍姐:搞错呀你?

某丙:咩呀?唔顺呀?

萍姐:唔顺呀。

某丙:噉咪再嚟过啰。

肥仔:再嚟过?

*某丙:

萍姐:再嚟拗过,嚟吖。

(原来肥仔同某丙佮埋嘅)

*肥仔:萍姐呀,

*某丙:今日好难揾架噃。

萍姐:算喇,收工呀。

肥仔:噉我哋走先架咯㖞。嚟,行呀。

某丙:萍姐,走先喇。

(发哥将一个银仔抌入萍姐件衫里面)

萍姐(恶扬扬):边个玩嘢呀?边个?边个玩嘢呀?

发哥:系我呀。

萍姐(笑咁口):原来系你呀。

发哥:咪就系我啰。

萍姐:真系你?(掴发哥)老娘今日心情唔好,你重玩嘢?

发哥(揞住半边面):哎呀!你唔认得我呀?我系发仔呀。

萍姐:你真系发仔?

发哥:系呀。

(萍姐大打出手)

*发哥:唔好呀!唔好呀!你睇清楚个胸里面先啦。入便有个银仔架,你送畀我嗰个银仔呀。嗰个法国银仔呀,你要揾清楚呀。

(萍姐喺件衫里面揾到个银仔)

萍姐(喜出望外):发仔!你真系发仔?

发哥:系呀,我咪系发仔啰。

萍姐:早啲讲吖嘛。(喝班围观嘅人)望咩望呀?(戏散场)

萍姐:乜你搞成噉嘅衰样架?

发哥:改头换面都系想避吓风头啫。

萍姐:咁好死嚟揾我做咩呀?

发哥:我今次嚟揾你,其实我系想……

萍姐:哎!哎!哎!借钱呢就免问喇。我自己都唔掂呀。

发哥:唔系噉吓哗?咁多年交情。

萍姐:嗨嗨,以前你靓仔大家讲交情啫。依家你噉嘅样呀,除非我哋讲生意。

发哥:哎,我真系有单生意揾你吖。信我吖,郇嘢嚟架。

萍姐:你真系发仔呀?

(程胜同毛毛趁住夜色实行佢哋嘅计划。)

(两个一摇一摆,扮醉酒)

毛毛:都话唔饮咯。

(毛毛揿钟)

毛毛:哎呀!哎呀!都话唔饮。哎呀!好衰架!人哋都话唔饮咯。

程胜:你话我好衰?

*毛毛:

程胜(揸实毛毛嘅头猛咁撞门):衰吖嗱!衰吖嗱!衰吖嗱!……

*程胜:间屋应该冇人啩?

(毛毛瞓着咗)

程胜(扶起毛毛):喂!点呀?死唔死得?

毛毛:唔死得。

程胜:你有冇金卡呀,银卡呀嗰啲之类?

*毛毛(递张卡畀程胜):有,用嚟做咩呀?

*程胜:用嚟开锁啰,好高技巧架。手要定,重要揸得稳。

(张卡畀度门食咗)

毛毛:我张卡呢?张卡系我辛苦执返嚟架。

程胜:执嘅?唔怪得啦,你畀张流嘅我。

毛毛:你点知呀?

程胜:畀度门食咗,你话系坚定流呀?重有冇呀?

毛毛:噉,地铁飞!

程胜:坚定流架?

毛毛:坚架。

程胜:坚嘞吗?(一下开咗度门)嗱,系坚嘅实开到架嘛。 大话 周星驰站 zhouxingchi.cn

(二个人鬼鬼鼠鼠噉)

毛毛(一下揽住碌葛噉嘅嘢):发达喇。发达喇。

程胜:你做咩你?

毛毛:呢件咁大一定好值钱架喇。嚟吖。

程胜:喂!不如揾件搬得喐嘅好吗?

毛毛(揾过第二样嘢):呢件搬得喐呀。嚟!嚟!

程胜:喂!你揾件摆得落个袋度嘅先啦。(拎起一只金马)即系譬如好似呢啲噉呀。攞个袋嚟吖。

(程胜揾极都揾唔到个口喺边)

毛毛(拉开袋口):哩,哩,哩,呢度。

程胜:我唔系话暗袋呀,我系话上便呢……

毛毛:系得呢两个竉架咋。

程胜:呢两个竉?咩袋嚟呀?

毛毛:呢个唔系袋嚟架。呢个系锁匙包。呢便装锁匙,呢便装碎纸嘅。

程胜:孭个锁匙包出嚟?

毛毛:型哩?

(入极都入唔到去)

(程胜心情好低落)

毛毛:你做咩呀?有心事呀?

*程胜(深呼吸):ok.而家时间无多呀,即刻去周围(目及)(目及)。睇吓有啲咩可以装得落个咁大嘅袋度。

毛毛:我明,我明。例如呢?

程胜:啲名贵嘅笔呀,打火机呀,烟灰缸呀嗰啲呀。

毛毛:我明,我明。

*毛毛(揾到一个超大嘅烟灰缸,真系蠢到死):揾到喇,揾到喇,哩!哩!哩!揾到个好名贵嘅烟灰缸呀。嚟,擘大个袋摆佢落去先喇。嚟!嚟!嚟!擘大啲!擘大啲!擘大啲!差唔多!差唔多!差唔多!嚟!嚟!嚟!

(程胜非常失望,抌低个包,沉思状)

毛毛:做咩呀?又有心事呀?

程胜:系。

毛毛:讲嚟听吓。

程胜:我唔想讲。

*毛毛:有冇其他表达嘅方法呀?

程胜:有!(又试猛掴毛毛)

(两个人周围caau3嘢)

程胜:死唔信成间屋都冇一件可以摆得落个袋。

毛毛:系咯,系咯,揾吓添呀。揾吓添呀。

程胜(揾到个遥控器,唔觉意开咗个电视机):咦,呢件得㖞。

(电视声)

李修贤:举手!

(毛毛同程胜即刻举高手)

程胜:我偶像㖞。

毛毛:李sir吖嘛。

程胜:梗系唔系啦,大傻呀。

毛毛:李sir。

程胜:大傻劲啲。

毛毛:好咯!好咯!大傻就大傻吖。

李修贤:你两个仆街再讲多次?

(落楼)

毛毛:噉而家点呀?

程胜:而家梗系谂办法揾个大啲嘅袋先啦。

(电话响)

*电话:呢个系电话录音,请你听到嘟一声之后留低说话。阿陈呀,上次同你讲嗰个jackie呢要迟一个礼拜先嚟得呀。定实到时间我再call你啦吓。

毛毛:哎呀!死喇!

程胜:又关你事?

毛毛(扚起台面嗰两张演唱会飞):你睇吓。啲演唱会重喺度嘅?

程胜:即系啲人随时会返嚟。撇嘞。

毛毛:吓?

(有人揿钟)

(程胜同毛毛喺闭路电视度睇到出便门口有两个差人喺处)

差人:黄太!

毛毛(手足无措):噉点算呀?去边度揾黄太呀?啊?

程胜:黄太?

毛毛:边度揾黄太呀?

程胜:扮呀,扮呀。

毛毛:边个扮呀?

程胜:梗系你啦。

(门口)

差人甲:唔知系咪有啲唔妥?

差人乙:系呀,等我call返去总台先啦。

(度门卒之都开咗)

毛毛(扮黄太,块面搽满晒啲白蒙蒙嘅嘢,一路刷牙一路讲嘢):咩事呀?啊?

差人甲:阿……阿黄太吓哗?

毛毛(含糊其词):系。

差人甲:唔好意思呀,头先呢就有人投诉你嘅电视机呢声浪太大。

程胜(大声嗌):老婆……

差人甲:噉我哋希望你……

程胜:喂!重唔嚟瞓觉?

*差人甲:唔好意思呀,噉你第二晚就就咯吓。唔阻你唞嘞。拜拜!

(发哥揸紧车,隔篱做住萍姐)

发哥:阿萍呀,做埋呢单呢,我哋可以上岸嘅。

萍姐:我哋?边个我哋呀?

发哥:哎哟,我同你最佳拍档吖嘛。

萍姐:哦,以前咋嘛。好耐咯噃。

发哥:我知你份人口硬心软嘅,所以几大都留返个银仔。我知你唔认得我呀,但系你一见到个银仔唔知几开心呀。你一定好挂住我嘅。

萍姐(喺个袋度caau3出个银仔):系咪呢个呀?

发哥:系,系,系,咪就系啰。

(萍姐抌咗个银仔佢)

发哥:做咩呀?你做咩抌咗佢?

萍姐:我点知你有咗钱之后会变成点样架?我抌咗个银仔一了百了呀,费事第日认返你呀!

发哥:唔系呀哗?你咁唔信我?

萍姐:系呀,系呀,我真系唔信你系发仔呀!

(程胜同毛毛谂住撇)

程胜:快啲呀。

毛毛:得喇!得喇!抹干净先得架!

(程胜开门,见到有架车行紧嚟,吓到飞起,即刻闩门,将毛毛韫咗喺里面。)

程胜:唔好出嚟住。

毛毛:哎呀,唔好抌低我吖。

(架车停低咗)

发哥(见到程胜企喺门口,以为佢就系jackie):唔通就系佢?

毛毛(喺里面):出得嚟未呀?

程胜:咪嘈吖!

大话 周星驰站 zhouxingchi.cn

(程胜扮揿钟)

发哥:揿钟嘞!系佢喇!jackie呀!

萍姐:jackie?

发哥:快啲呀,落车扮啦。

萍姐:点扮呀?我屋都未入过呀。

发哥:执生啦。

萍姐:点扮呀?

(发哥同萍姐落咗车)

毛毛:出得未呀?

程胜(惊到抖抖震):等多阵添啦。啲人就走架嘞嘛。

发哥:吓!(程胜高举双手)你……(双手扒住扇门)梗系嚟咗好耐喇。

程胜(脚震):我嚟咗半个钟架咋。我冇呀。(无辜状)

发哥(同程胜拍掌):hello,jackie,welcome you!

程胜:thank you!

*发哥:radom!

发哥:哎,老婆呀,快啲同jackie打个招呼啦。用美国式嘅。

萍姐:hello,jackie!welcome!

程胜:多谢!

发哥:搭咗咁耐飞机一定好攰架喇。入嚟坐呀。

萍姐:入嚟坐!入嚟坐呀!

发哥(开门):点解会提早返嚟?

程胜:我……我……

萍姐:梗系想畀个惊喜我哋啦。

程胜:系呀。

发哥:随便坐,唔好客气吖。(同萍姐讲)老婆,我要打个电话,你招呼jackie。吓。(上咗楼)

萍姐:jackie呀,坐,坐,随便坐呀。

程胜:好呀,好呀。

萍姐:坐,坐坐坐,随便坐!

毛毛(匿喺程胜坐紧嗰张咕辰后面):我喺你后便呀。

程胜:呢度都好大地方噉呀。

萍姐:算系噉啦。

毛毛:噉而家点呀?

程胜(细细声):我引开佢,你自己走吖。

程胜:auntie呀,可唔可以带带我去洗手间吖?

萍姐;洗手间?

程胜:系咯。

萍姐:得!得得得得得!过嚟呀,我带你去。

程胜:好呀,唔该晒!(起身跟萍姐走)

(毛毛趁机走)

发哥(打电话):喂!janet妈咪呀,apple点呀?唔好甩我底㖞。嚟紧喇?好,好,好,唔该。冇问题,第日呢一定嚟捧场。

萍姐:厕所呀,厕所就到架喇。

萍姐(带咗程胜去到一间卧室):终于嚟到厕所,就系里便。(开门)请!

(萍姐显得好尴尬)

程胜:呢度系厕所?

萍姐:我……我唔知呀。

程胜:你唔系唔知边度系厕所吓哗?

萍姐:我唔知……

发哥(及时赶到):佢嘅意思系话唔知你未见过咁先进嘅厕所。

程胜:吓?

萍姐:等我解释。

(萍姐出咗去)

发哥(呃程胜):我特登揾人设计到好似睡房噉样,其实呢张唔系床,下便系精密嘅排水系统,自动冲厕,直出太平洋。

程胜:系哗?(正想掂吓张床,畀发哥阻止)

发哥:哎,因住跌落屎坑。我哋去过第二间。

程胜:呢啲咁先进嘅嘢,我真系未试过架㖞。

发哥:噉一齐啦,试试吖。

程胜:好呀。好呀。

(发哥同程胜小解)

程胜:咦?果然系好方便㖞。科技先进,真系令我叹为观止。阵间唔争在大多个便。

发哥:吓?

程胜:世伯咁好火力嘅?

(毛毛正想爬出墙之际,见到有架车喺门口停低,唯有踎低。)

的士佬:小姐,多谢!三十五文啦。(想博懵,点知畀apple喷咗一面嘢。)

*apple(饮到晕吓晕吓):衰佬想博懵。(揿门钟)开门呀!

发哥:来日方长,第日有机会先大便啦。我要介绍个人畀你识。

萍姐:哎,哎,哎,出便呀有个女……

发哥:哦,我哋个女返嚟吓吗?快啲去开门啦。

萍姐:女?

发哥:去呀。佢啱啱开完party。

程胜:咁架势?

发哥:我介绍畀你识。

程胜:好呀。

(萍姐开门)

apple:女人我唔接架。

萍姐:咩话?你做我嘅女?哎呀,入嚟啦。

发哥:佢学过啲特别嘅仪态架。

发哥(迎接apple):hi,apple,返嚟喇?快啲同jackie打个招呼喇!

(apple扑埋去揽住程胜索吻,将啲嘢呕晒落程胜嘅口中)

(程胜喺厕所搞掂完啲嘢出嚟)

毛毛(爬咗上程胜间房):hi!

程胜(弹起):hi! 你做咩呀?

毛毛:我觉得我噉样走咗实在太冇义气,所以特登返嚟救你嘅。嚟吖。

程胜:边个话畀你听我要走啫?

*毛毛:哦,你梗系贪佢大波所以你唔走系咪呀?

*程胜:你吹呀?我一睇个大波妹就知佢冧我。所以我而家决定扮嗰个jackie。如果畀我搞掂咗佢,多多钱都有呀。

毛毛:你唔怕人哋认得你呀?

程胜:你头先冇听电话录音嘅咩?话明嗰个jackie一个礼拜后至返嚟吖嘛,所以我哋重有时间。

毛毛:好呀,噉我哋再次合作吖。

程胜:喂!我思疑你返屋企瞓吓晏觉好过㖞。

毛毛:点解?你嫌我阻埞呀?

程胜:唔系,我觉得你太辛苦嘞。你太落力嘞,所以你应该返去唞唞。

毛毛:噉我有咩地方需要改善呢?

*程胜:冇,我认为你经已完美。

毛毛:其实我有今日都捱咗唔少日子架。不过我觉得我重有少少瑕疵架。

*程胜:知道自己有瑕疵就梗系改改佢啦。

毛毛:我明,我明。(弹起身,离开)

程胜:好行夹唔送咯㖞。

程胜:点解我头先唔摙死佢?点解呀?太心软嘞!

(洗手间)

发哥(氹apple):醒啦。醒啦。醒啦。

apple:饮酒呀。

发哥:哎呀!乖啦。乖啦。快啲醒啦。醒啦。醒啦。

萍姐:有冇搞错呀你?揾只醉鸡返嚟扮我嘅女?

发哥:你知唔知呀?我几难先揾到一个呀,企喺度好似瞓喺度,有着衫好似冇着衫嘅女人呀。

萍姐:你讲嘢呀?你行开呀!等我嚟呀!(揾花洒冲醒apple)

萍姐:醒呀!醒呀!……

发哥:唔好啦。唔好啦。唔好啦。hello,apple.

apple:哎呀,发仔,你做乜咁耐都唔嚟捧我场啫?

发哥:哎呀,今次好喇。醒喇。醒喇。

发哥:喂!apple,我见到嗰条僆仔好似好冧你噉㖞。你扮我个女,如果氹定嗰条僆仔,我哋大把钱揾架。

apple:要我扮小姐咋嘛。易吖。

萍姐:易,易,易乜嘢呀?叫你扮千金小姐唔系舞厅小姐噃。

apple:喂!八婆,你咩料呀?

*萍姐:八婆?你话我八婆?

发哥:哎,哎,哎,哎哟,好喇,阿萍呢佢就扮我老婆,你就扮我个女,我哋大家一家人。

发哥:apple呀,你要氹掂嗰条僆仔,要几多时间呀?

apple:一个礼拜。

发哥:哗!好似耐啲㖞。可唔可以快啲呀?

apple(除衫):三日吖。(萍姐畀apple嘅身材吓亲,睇到呆晒)

发哥:重可唔可以快少少?

apple(又除一件,净系得个bra):一日啰。

发哥:哗!好!好!(拉萍姐出间房)嚟呀!嚟呀!(企喺门口)重可唔可以快啲添?

apple:哦,易啦。(除埋个bra)

(萍姐揞实发哥对眼出间房)

(第二朝)

(程胜刷紧牙嘅时候行去窗边,见到apple喺泳池里面游紧水,好似条件反射噉样即刻扑到去楼下,做咗一个好型嘅跳水动作,结果都系撞咗喺块玻璃门上面。)

(程胜拉开度门,谂都唔谂就跳咗落去泳池里面) 大话 周星驰站 zhouxingchi.cn

程胜:等埋我呀!

(程胜大失所望,原来游水嗰个唔系apple系发哥)

发哥:游水呀?早晨,jackie!乜咁早嘅?

程胜:uncle,你好吗?食咗早餐未呀?

萍姐:jackie,爹哋,嚟食早餐喇。

程胜:auntie,早晨!

萍姐:快啲吖。

萍姐(喝工人):喂,快啲叫嗰个女人起身,如果唔系冇得出粮呀。

发哥:今次返嚟,有咩搞呀?

程胜:哦,喺个新机场嗰度我就负责啲保安呀,防盗嗰啲噉嘅……

发哥:捉贼呀?

程胜:唔关我事架!

发哥:重话唔关你事?嗰啲咩保安呀,防盗呀咪用嚟捉贼咯?

程胜(响指):系呀,啱呀,啱呀。

发哥:哦,大生意㖞。

程胜:uncle,你呢?

发哥:哦,搞一啲保险噉啦。

程胜:即系呃钱吓哗?

发哥:呃钱?你点知呀?

程胜:氹人买保险嗰啲咪同呃钱咁上下?吓哗?

*发哥:哦,系呀,噉你又唔好讲得咁衰。

程胜:梗系啦,讲笑咋嘛。喂!好揾架㖞。

萍姐(迎面):喂!快啲过嚟坐低,慢慢讲吖嘛。爹哋呀,公司打电话催你返去签张五百万嘅合同呀。

发哥:几百万,湿湿碎,唔好烦我啦。个女呢?

萍姐:啱啱叫咗佢架喇。

apple(着住三点式):hi,爹哋。

(发哥同程胜睇到流晒口水)

(apple唔小心sin3亲脚)

*发哥:冇事吖嘛?

程胜(行上前):你冇事吖嘛?

*apple:冇事,好在笪地都唔系好硬。

程胜:系?真系几腍㖞。挞多次玩吓咯。

apple:对唔住呀,jackie,寻晚真系唔好意思哩。

程胜:傻啦,系我失礼就真。

发哥:可能呢啲系你哋嘅缘分呀。

apple:好衰架,爹哋呀,你重喺度笑人。人哋好丑吖嘛。

发哥:佢好怕丑架。

程胜(仰天长笑):香港地而家重有啲咁怕丑嘅女仔,真系难得。

apple:好衰架,噉话人。

发哥:佢唔止怕丑呀,重有啲嘢要话畀你知。

程胜:重有,咩嘢?(唔觉意打翻apple嘅早餐)

apple:哎呀,人哋最钟意食肠仔架嘞,嘥晒添。

发哥:哎,嚟!嚟!嚟!

apple:噉点呀?

程胜:对唔住,对唔住,我帮你抹。

程胜:为咗表示我对你嘅歉意。(除咗件衫,将两只荷包蛋贴喺身上以示歉意)

apple:你噉做,又何必呢?

程胜:只要你唔怪我,就算赴汤蹈火我都在所不惜。

(发哥同萍姐起身拍掌)

apple:傻嘅,我又点会怪你呢?

程胜:噉就太好嘞,我上去换件衫先。失陪一阵。(去换衫)

apple:喂!条僆咁戆居架?

发哥:戆居先至易呃啦嘛。头先佢都唔知几冧你呀。

apple:使乜讲?

发哥:好嘢!好嘢!

萍姐:哼!两个嘅衰样好似去club叫鸡噉。

apple:喂!你讲咩呀?惨得过我冧得掂条僆啫。唔抵得你上吖。

萍姐:哼!上咪上啰。

发哥:哎,唔好吵。唔好闹交。一人少句。apple呀,你上去换过件衫先。喂!记住唔好饮酒呀。

(程胜带住apple入咗间餐厅食嘢,好多人都畀apple呢个大波妹吸引住)

程胜:就呢度嘞好吗?

apple:唔该。

程胜:想揾啲咩食住先噉呢?

apple:我想食雪糕呀。(有一个麻甩佬埋去apple想zong1吓apple对波)

程胜:好呀。

apple:哎,我要食雪糕车嗰啲。

程胜:又得啫。我出去买。

apple:唔该。

程胜(见到条麻甩佬):先生,你喺度做咩呀?

麻甩佬:摘树叶啰。

程胜:你重讲大话?你zong1呢位小姐嘅胸吖嘛。

(条麻甩佬无地自容,耷低头听教)

先生,你有冇廉耻架?我思疑你冇。喺啲咁高尚嘅餐厅里头你做出啲噉嘅所为。我哋中国传统嘅道德观念去晒边度?

麻甩佬:我……

程胜:你唔系人嚟,更加冇资格做中国人。

麻甩佬:我……

程胜:我以后都唔想再见到你,你扯。扯啦嘛。

(麻甩佬畀程胜润到喊咁滞)

(成班麻甩佬走埋去gab9嘢)

apple:waiter!

(程胜重上树gab9添,gab9到流晒口水)

apple:你喺度做咩呀?

*程胜:哦,我睇吓上便啲有冇雪糕卖咋嘛。

apple:哦。

程胜:apple,你小心啲。我发觉呢度好多贱格佬呀,狗公呀,都好想zong1你呀。

apple:唔该。唔该晒。

程胜:我去买雪糕。(爬树)

apple:上面有雪糕卖嘅咩?

程胜:啊,头先揾过嘞,冇。出去出便揾吓。

apple:waiter!

侍应生:小姐要啲咩呀?

apple:有冇火呀?

侍应生(挞着火机同apple点烟):有。

*巫婆:你听我讲啦,我啲降头术个好劲架。首先呢,你返去剪咗嗰个男人左脚嗰啲脚甲㖞,然后加埋佢啲眼泪,然后呢就再捞埋在一齐,再加埋我特制嘅神油。只要佢饮咗呢,佢就会听晒你嘅说话,你要乜都得啦。

萍姐:畀佢饮?

巫婆:系呀。

萍姐:如果捞唔齐呢?

巫婆:哎呀,噉就大镬咯。如果净系饮神油呀,佢就会变成一个女人架喇。

萍姐:会变女人?

巫婆:佢饮咗之后呢,你再叫佢三声佢嘅名。噉呢个男人呢好快就会变成个女人架嘞。

巫婆个徒儿:师父。

*巫婆:系呀,系呀,呢啲呢,解药嚟嘅。你唔掂至可用㖞。

萍姐:我得架喇。多数唔使用嘅。

巫婆:噉咪好啦,你唔使惊个大波妹嘞。

萍姐:多谢你。

巫婆:自己人使乜客气㖞。

(某诊所)

毛毛:医生,唔该你帮我搞搞佢呀。

*医生:不过,我谂你谂清楚架㖞。我睇你都唔蠢架。呢一个手术呀,会影响你一生架。

毛毛:实不相瞒,医生,我系靠食脑为生架。所以样嘢对我嚟讲好紧要架。唔该你帮帮我吖。

医生:好喇,好喇,我即管试试吖。

(毛毛开门出嚟,对波变到劲大)

医生:我一早都话咗你顶唔顺架啦。香港人至劲呀都去到三十八吋。

毛毛:

医生:你系都要五十九吋点得架?哎呀,好彩揾个假嘅同你试试啫,如果唔系呀冇得man1啰。

毛毛:我知错喇。

程胜:apple呀,我成日有种感觉,我哋以往好似系相识嘅噉。

apple:系呀,我都有呢个感觉呀。

程胜:呢啲缘分嚟嘅。

apple:系呀。系呀。

程胜:apple,其实……其实我好喜欢你嘅。不如今晚你嚟我房……

apple:好呀。好呀。好呀。

程胜:我可以用人格保证,今晚只系想倾吓心事噉解嘅啫。

apple:唔系呀?净系倾心事?

程胜(好大反应):唔系你想点呀?

apple:睇吓电视都得啩?

程胜:哦,得,睇电视,得。

apple:我可以用人格保证,净系倾偈同埋睇电视。

程胜:噉我就放心喇。(见到毛毛嚟咗餐厅)我去去洗手间先。

apple:好呀。

(程胜走去招呼毛毛)

apple:正傻仔。

毛毛:call人食饭唔早啲嘅?

程胜:几时轮到你呀?

毛毛:吓?

程胜:我已经冧掂咗个大波今晚再嚟我房度,你而家即刻去预备架相机,今晚爬上嚟我房度匿埋嚟偷影。

毛毛(响指):哦,我明。

程胜:有咗呢啲相之后,我哋就可以勒索佢老窦老母呀。

毛毛(响指):哦,我明。

程胜:即刻准备吖。

毛毛:o.k.(“雪”一声松咗去)

程胜:apple呀,我哋走先喇,好吗?

毛毛:其实要偷影你哋啲咩嘢呢吓?

(apple晕咗)

程胜:apple!

(程胜将毛毛拖埋一便)

程胜:你死架?

毛毛:咩呀?

程胜:好彩佢咁易醉啫?如果唔系你一句咪穿晒煲?

毛毛:你求先真系冇话畀人听影啲咩㖞。

程胜:梗系影我同佢喺床上面嗰啲噉嘅嘛。

毛毛:我明。(转身走)

程胜:过嚟,佢而家醉成噉,今晚嚟唔到我房添呀。噉喇,听朝九点正,改为喺佢间房度等呀。

毛毛:我明!我明!

*程胜:喂。攞住五呀文散纸嚟先啦。

毛毛:冇五呀文散纸㖞。得返大纸啫。

*程胜:有冇搞错呀?怕咗你,攞嚟顶住先。弹开。

毛毛:哦。

发哥:apple,apple,快啲啦。起身啦。

apple:做咩呀?

发哥:我都叫咗你唔好饮酒架啦。嘥咗一晚时间喇。你真系。

萍姐:发仔,我谂到条好桥呀。

*发哥:等等先。

萍姐:真系……

发哥:你而家即刻过去同佢上床,我就偷影。ok? 搞掂佢。

apple:哎呀,咁早?人哋都唔知制唔制。

*发哥:哎呀,唔制你都要想吓办法啦。夹硬去啦。快啲!快啲!快啲去洗面呀!

萍姐:发仔,你听我讲吖。

发哥:有一件事好紧要,不过唔知你做唔做得嚟。

萍姐:得。冇问题。

发哥:每一个细节都要记得好清楚。四瓣牛扒三分熟,番茄薯仔做配料。罗宋汤唔要洋葱,餐酒呢就要1941年。ok?去。搞掂佢!咪住……你想同我讲嘢?

萍姐:系呀,系呀,我想讲呢……

发哥:咪住,搞掂咗呢件事,再返嚟同我讲。快啲。快啲。

发哥(催apple):喂!咁耐呀?得未呀? 大话 周星驰站 zhouxingchi.cn

apple:哎呀,唔好催啦。

萍姐(切洋葱):我一个人都可以搞掂条僆仔。攞佢啲眼泪,易过借火呀。

(程胜应门)

萍姐(托住盘洋葱):早晨!

程胜:早晨!auntie,你做乜流眼泪呀?

萍姐:哦,冇,我惊你唔钟意食我煮啲早餐之嘛。

程胜:傻啦,点会呢?(食生洋葱)我最钟意食生洋葱架添呀。

*萍姐:你唔怕yip9眼咩?

程胜:话明最钟意,点会yip9眼呢?你唔好喊喇,唔系你喊我喊架嘞。

萍姐:唔系吖嘛?

程胜:系哩。

(萍姐大喊)

程胜(大笑):auntie,你真系幽默,畀你玩死呀真系。(嘭一声闩埋度门)

发哥:嚟呀,嚟呀,嚟呀,快啲啦。靠晒你嘞,执生呀。

(发哥同apple嚟到程胜间房门口)

apple:hi,早晨呀。

程胜:hi,apple!

apple:jackie……jackie……

程胜:apple!

apple:唔好意思呀,我寻晚饮醉咗唔嚟得。我而家同你倾心事吖。

(apple一路将程胜ung2到张床上便)

程胜:我始终都系客人嘅身分嚟,噉样做,恐防会对唔住你父母亲。

apple:点会呢?我爹哋妈咪当正你系自己人一样嘅。

程胜:噉又系。但系呢度始终都系客房嚟吖嘛,硬系冇乜亲切感噉。不如过你间房哩?好吗?

apple:好呀!好呀!即刻去呀。

大话 周星驰站 zhouxingchi.cn

(毛毛爬上apple间房)

毛毛:冇人嘅?(匿埋)

(apple间房)

程胜:不如我哋换位嘞好吗?

apple:不如我哋换位嘞好吗?

程胜:好呀,好呀。

程胜:咪住。我突然醒起呀,我今日原来有事嘅。

apple:我都系呀。

程胜:系咩?

apple:系呀。

程胜:噉……你急唔急呀?唔急就留返第二晚先。

*apple:哦,唔急,迟吓先啦。

程胜:好呀!好呀!好呀!

(程胜间房)

程胜:auntie,你喺度做咩呀?

萍姐:我……帮……帮你执床之嘛。

*程胜:咁多谢呀。

萍姐:唔使客气啦。

程胜:噉麻烦你帮我洗埋个厕所佢。

萍姐:得,得,得,就嚟喇。就嚟喇。

程胜:唔该你。

萍姐(配制神油):名垂千古就靠呢一剂。僆仔,你唔好怪我,系你唔好彩。

发哥(揸住几张相):流芳百世都系靠呢铺。呢次唔使惊条僆仔唔畀钱。

程胜(又系揸住几张相):有咗呢啲相,我呢个咁精密嘅计划就简直系话天衣无缝。一个钟头之后,如果你重未见我出嚟嘅话,就即刻入嚟搞破坏。

毛毛:我明!我明!

程胜:无论发生咩事,你都一定要拖我走。

毛毛:搞破坏我至叻嘅。

程胜:扬名立万都系靠呢剂。

程胜:今次我要话畀全世界嘅人听,乜嘢先谓之食脑!

发哥:今次我要话畀全世界嘅人听,乜嘢先谓之食脑!

萍姐:今次我要话畀全世界嘅人知,乜嘢先谓之食脑!

(几个人一齐落楼食早餐)

apple:hi!

程胜:hi!

程胜、发哥:今日嘅天气……(笑)

(四人皆大笑)

发哥(一面严肃):难为你重笑得落?

程胜:笑得落。

发哥:世侄,枉我对你咁好,你居然强奸我个女?

apple:爹哋!

程胜:世伯,乜你噉讲嘢呀?

发哥:重想唔认?(将啲相摊喺程胜面前)有相为证,睇吓你嘅淫相呀!有证有据,唔到你抵赖。快啲赔偿我个女嘅损失,如果唔系,我拉你上差馆。

程胜:哈哈哈!世伯,呢张相你净系影到你个女个样咋嘛,我个样你影唔到呀。点睇呀?

发哥:系㖞。

程胜:哈哈哈!

萍姐:哈哈哈!大家唔好讲啲噉嘅嘢喇。嚟!嚟!嚟!饮杯吓。

发哥:饮杯!唔好讲啲衰嘢。

程胜:你重饮得杯落?

发哥:饮得杯落。

程胜:你个女污辱我嚟。

发哥:啊?

apple:啊?

程胜:睇吓呢啲相。(将啲相摊喺发哥面前)

发哥(质问apple):点解你做啲噉嘅嘢呀?

程胜:你个女今朝污辱咗我,呢啲相就系证据。若然我公开出去,包保你名誉扫地嘅。问你以后重点见人?除非,你肯赔偿我嘅损失。哈哈哈!

发哥:哈哈哈!世侄,呢张相净系影你嘅样。我个女嘅样你影唔到呀。

程胜:系㖞。

萍姐:我哋唔好讲啲噉嘅嘢啦。饮杯吓。

发哥:唔好讲啲衰嘢。

程胜:噉又系。

发哥、程胜:饮杯。

程胜(摆低酒杯,拎起两张相):而家两张相都喺我手,怕且都证据确凿嘞啩。

(发哥想抢返)

程胜:哎,唔好乱嚟吖,想攞返呀?快啲畀钱咪有啰。哈哈哈!(饮咗杯神油)

萍姐(大笑):哈哈哈!你中咗我嘅计喇。僆仔,你死梗喇。

程胜:点解噉讲呢?

萍姐:嗰杯果汁里便喇,我落咗马来西亚最毒嘅降头,如果我叫三声你嘅名,你就变咗女人。

程胜:你咁阴毒?!

萍姐:你快啲赔钱,如果唔系我唔畀解药你。

程胜:钱一定冇得赔,你快啲攞畀解药我,如果唔系公开你个女啲相。

发哥:你够胆公开,我就叫佢嗌你个名。

萍姐:我就嗌你嘅名。

程胜:你试吓嗌我公开啲相。

发哥:你够胆公开就即刻嗌。

萍姐:我即刻嗌你个名!

程胜:我即刻就公开!

全文阅读已结束,如果需要下载本文请点击

下载此文档

相关推荐 更多

家和万事兴(粤语小品剧)
发布时间:2023-04-04
家和万事兴(10分钟贺岁小品剧)演出角色:(名单分配待定) 第一幕:(一桌,两椅)陈伯与老爷在下棋陈伯对老爷叹赏语:”你就真系好福气,个大仔又生性又本事.又有埋上市公司,娶个老婆又贤淑又省镜.哈哈!”老爷一棋子敲.........
情人节粤语短信
发布时间:2023-01-07
粤语是广州人的常用语,广州人经常用粤语来编辑短信,下面的短信是精选的广州话情人节短信,如果你喜欢粤语或者你想追求广州女孩,那你就从下面的短信中选择适合自己的短信吧。1、你真系人见人爱,车见车载,棺材.........
校园剧本《校园情景剧》
发布时间:2023-07-07
第一幕 时间:早上6∶00多钟 人物:我、小A 地点:大街上 小A一大早便把我从被窝中拖出去跑步,大街上人还不多,我们俩相伴而跑。 小A:“这次体考,我一定要拿满分。” 我(疑惑的看了他.........
校园情景剧剧本体验
发布时间:2023-05-17
校园情景剧剧本体 验 编剧:周 红(湖南师大附中教师)人物:苏振兴——男,湖南师大附中教师黄永旺——男,湖南师大附中教师杨 柳——女,湖南师大附中高一年级学生晓 霞——女,湖南师大附中高一年级学生.........
粤剧的特点简短实用
发布时间:2023-05-03
无论是身处学校还是步入社会,大家都尝试过写作吧,借助写作也可以提高我们的语言组织能力。那么我们该如何写一篇较为完美的范文呢?这里我整理了一些优秀的范文,希望对大......
全剧本
发布时间:2023-02-25
《人民》三部曲 第一部:《乐人》 序、太尉府日外 湖水环绕着的一个凉亭,亭中花几前端坐一名少女(司马砚),正在抚琴。她的身后站立着一名威武的年少武士,手紧紧抓住腰中的配剑,护卫着少女,花.........
圣诞剧本忙人寻主记
发布时间:2022-12-30
甲:各位朋友们,各位主内的弟兄姊妹,圣诞快乐!乙:圣诞快乐!甲:对,圣诞快乐!新年幸福!Merry Christmas and Happy Hew Year! 恭喜发财,子孙满堂;好好学习,天天向上;高高兴兴,漂漂亮亮;吃饱.........
校园剧本《情谊》
发布时间:2023-06-04
人物:古涛老师、马自达(男)、夏历(女)、薛铁龙(男)、龙杰馨(女)以及其他同学数名 故事背景:通过高考,他们走到了一起。可以说是缘分!但虚荣、名利、争斗、贫困时常伴他们左右,故事便从他们当中的.........
英语话剧剧本Pygmalion
发布时间:2023-06-30
Pygmalion (By George Bernard Shaw)ACT ICovent Garden at 11.15 p.m. Torrents of heavy summer rain. Cab whistles blowing frantically in all directions. Pedestrians running for.........
英语剧本
发布时间:2023-07-16
英语剧本第一幕 在歌剧《Hannibal》的排练中,两位新来的剧团经理,来到剧院观看。剧团的台柱,女高音Carlotta正在唱歌的时候,突然一个沙袋从舞台顶上落下,只差一点点就可能砸死她。在演员们的惊呼之中,伴唱.........
兄弟情人剧本
发布时间:2023-01-02
兄弟情人剧本 编剧:徐瑞杰 教堂,一对新人正在交换着戒指。新娘摘下那对钻石耳环,带上他亲手赠送的戒指。 花童们把美丽的花瓣纷纷扬扬地洒在逸白和婉婉身上,周围的亲友一阵欢呼。 花瓣散.........
《两世情缘》剧本
发布时间:2023-01-05
原著 icy改编 aliscyx 剧中人:羽湘——怨女延生——痴男巫女——吸血鬼死尸医生护士若干第一幕 重生第一场[幕后传来羽湘的撕心裂腑的喊叫:天啊!让我死吧!]羽湘冲上来,手持尖刀,脚步踉跄。后面几个.........
电视剧本《情伤》
发布时间:2023-06-30
电视剧本《情伤》 [主题曲] 男;为什么?情欲是地底的火。 女:为什么?爱情,象天上的云。 男:爱情走了走了,只留下眼泪;情欲灭了,灰烬把心掩埋。 男女:真情真意雨里徘徊,有迷离有.........
英语剧本
发布时间:2023-02-22
am really tiredWalking in the street Empty heart good Cruel sun Merciless my direct侧脸 Suddenly Do not know where to go Two in front of two roads with the same A lef.........
英语剧本……
发布时间:2023-03-05
A(衣衫褴褛) B(衣着光鲜) C小花 D小草 E椅子 F新闻记者B坐在E上吃东西,A一乞丐上前A:先生,先生,请给我些面包,谢谢,我饿得不行了。B:(厌恶)让开,让开。(然后便起身离开,这时.........
圣诞节相声剧本哭、苦、枯
发布时间:2022-12-09
A:女士们,先生们,圣诞好!B:很高兴,咱俩能给大伙儿说段相声。A:我给大家介绍站在我旁边的这位,人称小不点儿。B:小不点儿旁边的这位就是大名鼎鼎的挖苦先生。A:唔啊,唔啊(发出哭声)。B:喂,挖苦先生.........
《演艺界轶事》情景喜剧剧本
发布时间:2023-02-07
●《演艺界轶事》【片长47分钟、20集室内幽默诙谐哲理情景喜剧连续电视电影文学剧本样本】 (敬告:本作品已登记版权,抄袭、剽窃、未经作者同意使用者将承担法津责任) ●01公共汽车停靠站〓〓日.........
社区服务情景剧剧本(五篇)
发布时间:2023-08-04
在日常的学习、工作、生活中,肯定对各类范文都很熟悉吧。范文书写有哪些要求呢?我们怎样才能写好一篇范文呢?下面是小编帮大家整理的优质范文,仅供参考,大家一起来看看......
2009年元旦舞台剧剧本全本
发布时间:2023-03-26
旁白: 岁月总是在时间的推动下,不知不觉的又走过一个年头,时代在不断进步,生活发生着日新月异的变化,这个社会在不断的进步,到处都是活力与青春的交织,到处都是生命所谱写的辉煌。 角色:男A.........
聪明小兔英语剧本大全
发布时间:2023-05-26
无论是身处学校还是步入社会,大家都尝试过写作吧,借助写作也可以提高我们的语言组织能力。那么我们该如何写一篇较为完美的范文呢?这里我整理了一些优秀的范文,希望对大......
《堕落天使》全剧剧本
发布时间:2023-07-17
李嘉欣和黎明相对无言。 李嘉欣扬着脸,拿烟的手略微颤抖,一枚偌大的闪亮的戒指戴在她的右手食指上。黑发遮住了她的眼睛,只有艳的唇。 李嘉欣:我们还是不是拍档? 黎明的旁白:我和她合作过一百五十五个星.........
巴黎圣母院(六场戏曲剧本)
发布时间:2023-07-20
巴黎圣母院(六场戏曲剧本) 碧城经济文化沙龙主持 说明:根据雨果同名小说改编。因演出中有某些镜头可能被认为具恐怖性质,凡心脏状态不佳或心理难以忍受者切勿前来观看。 .........
校园法制类情景剧剧本参阅
发布时间:2023-07-28
下面是小编整理的校园法制类情景剧剧本参阅,希望能满足各位的阅读需求。更多精彩内容发布尽在查字典范文网,敬请关注。剧本:《手机》时间.........
《牛虻》全剧本
发布时间:2023-02-01
作者:刀寒(深白色剧团特邀编剧) [观众进场时,会发现大幕已经被换成了一道墙,可以看出这道墙上布满了伤痕,有很多的被刀划过的痕迹,还有一些脱落了石灰的墙壁,空空的,露出了里面的砖块。 [戏开场前.........
校园心理剧《虫虫爱情传》剧本
发布时间:2023-05-25
校园心理剧《虫虫爱情传》剧本 (旁白)在一个静谧的黄昏,只有秋虫在浅浅的吟唱,也正是在这静寂的黄昏,虫虫迎来了他的第九次失恋。 虫虫孤寂的林间漫步在林荫道上,也正式这偶然的林间漫步, 虫虫生命.........
微电影剧本《南山情》
发布时间:2023-03-20
  查字典范文大全为大家整理了关于微电影剧本范文的相关资料,希望对您有帮助。  人物女主角:张霄(第一人称视角)  ‘**’.........
情满青山剧本范文
发布时间:2023-01-30
为偿还妻子生前回家乡支教的心愿,在省城从事教育工作的奉献,申请来到偏远山区青山村希望小学支教。来到青山村希望小学的第一天,在学校厨.........
情满青山(电影剧本)
发布时间:2023-05-31
内容概述 这是一部描写希望工程的当今社会新颖师生关系的少儿情感剧。 为偿还妻子生前回家乡支教的心愿,在省城从事教育工作的奉献,申请来到偏远山区青山村希望小学支教。 来到青山村希望小学的第一天.........
校园剧本《一网情深》
发布时间:2023-07-17
音乐小品剧本--演员: 1.老狼:网名北方的狼,典型的理工科男生味道,同济研一学生;2.小羊:网名邻家女孩,有一丝书呆子气,财大女生;3.阿潘:老狼的本科同学,洒脱的现代男性,已工作三个月;4.小雯:小羊的.........
英语剧本买药
发布时间:2023-02-24
A Play: Buying MedicineBy Liu QinglinCharacters: X ------ Xiao Fei S ------- Shopkeeper D- ---- Doctor Li Ws ------ Wounded soldiers ( W1, W2,W3 ----.........
校园DV剧本《似水流年》(情景喜剧)
发布时间:2023-07-11
校园DV剧本《似水流年》(情景喜剧) 淡入大字幕:谨以此片献给所有留恋草色校园的朋友们外景 闹市中心-白天(画外音)在这座城市的森林里,我每天都在为了生活而奔波。(XX生活小区前)早晨8点, 准时上班,然后挤车.........
2023年社区网格情景剧剧本(五篇)
发布时间:2023-07-21
每个人都曾试图在平淡的学习、工作和生活中写一篇文章。写作是培养人的观察、联想、想象、思维和记忆的重要手段。范文怎么写才能发挥它最大的作用呢?以下是我为大家搜集的......
英语剧本魔豆
发布时间:2023-04-01
The Magic Beans  Act 1 Scene 1(Jack’s mother was gambling.)Mom: Oh, no, not again. (Roaring) Jack, Jack, where are you?Jack: Here .........
英语话剧《新梁祝外传》剧本
发布时间:2023-07-25
中英文双语话剧《新梁祝外传》剧本旁白:话说梁山伯和祝英台三年前一同来到刚刚成立的武汉新东方书院学习英语。梁山伯酷爱口语师从口语老师邓大付学习美国口语,尤其擅长模仿马丁•路德•金的演讲。(.........
情侣圣诞节祝福语大全
发布时间:2023-02-07
午夜钟声敲响了圣诞的惊喜,窗外美雪飘扬着喜悦的气氛,下面是小编为大家精心收集的情侣圣诞节祝福语大全,欢迎大家参考借鉴,希望可以帮助到大家! 1. 我让阳光温暖你,用星光装点你;用美酒陶醉你.........
2023年剧本 镜头 剧本的镜头语言(5篇)
发布时间:2023-07-04
人的记忆力会随着岁月的流逝而衰退,写作可以弥补记忆的不足,将曾经的人生经历和感悟记录下来,也便于保存一份美好的回忆。相信许多人会觉得范文很难写?这里我整理了一些......
爱情悲剧微电影剧本《最后一滴泪》
发布时间:2023-05-17
最后一滴泪作者:爱亦浓内 医院走廊——日沈俊东身穿黑色风衣,脖子上搭着一条围脖,手上带着一副黑色手套,手腕上戴着一块银白色手表,转弯跑在医院的走廊里,迎面护士推着一张病床走来,病床上用白布盖着一.........
青春校园情景剧剧本5分钟(3篇)
发布时间:2023-06-17
在日常的学习、工作、生活中,肯定对各类范文都很熟悉吧。大家想知道怎么样才能写一篇比较优质的范文吗?下面我给大家整理了一些优秀范文,希望能够帮助到大家,我们一起来......
感人的爱情微电影剧本范本
发布时间:2023-06-22
  下面是查字典范文大全整理的关于微电影及小品剧本范文的材料,希望对您有帮助。  爱情微电影剧本范文  地点:河北故城  风和日丽.........
军营小品剧本军嫂情
发布时间:2023-01-01
甲:小香w乙:秀英丙:秀英道具:一张大长礅埸景:傍晚时分开幕:聚光灯闪,伴海潮声小香:秀英:唉呀呀,你看这鬼天气,那是人活的哦!(刘影随其后)秀英:就是(大风)小香:秀英,刘影:唉呀呀,(晃倒)秀英.........
微电影剧本《路口·爱情》
发布时间:2023-07-08
  查字典范文大全为大家整理了关于微电影剧本范文的相关资料,希望对您有帮助。  地点:河北故城  风和日丽。上午7点半,小丽妈(30岁.........
微电影剧本《祭奠爱情》
发布时间:2023-01-24
  当下微电影盛行,微电影爱好者总会自己编写微电影节本,自拍自演,自娱自乐。以下是查字典范文大全特意整理了一些关于微电影剧本范文和.........
微电影剧本《祭奠爱情》
发布时间:2023-01-06
  微电影以其短小精悍的艺术表现方式,尤其受到电影爱好者的钟爱,以下是查字典范文大全特意整理了一些关于微电影剧本范文和相关材料,希.........
爱情微电影剧本范文
发布时间:2023-05-09
微电影,即微型电影,又称微影。微电影既可以指专业的小成本制作或者使用数码摄像机、在电脑上剪辑并发布到网络上的业余电影,也可以指时间.........
校园剧本《相亲情事怪》
发布时间:2023-07-10
人物: 钱妈 贾大款 媒人(二零零四年某月某日的傍晚)贾 : (垂头)这年头,没钱呀?先吃的不说,就.........
风雨上海情(剧本连载)
发布时间:2022-12-30
风雨上海情 主人公表: 施风兰甄英寒甄仰天甄浮天杨雪珮林溪灵乔吉儿周雪瑶明巧 秦淑惠林涛杨中皇甄盈儿陈若思薛桐梁又萱姜小葶邵天碧 路莹卓裳琴金枝唐银桂炅潮湘韩赛月柳胜芙姚佩李芝元 曲.........
微电影剧本《祭奠爱情》
发布时间:2023-02-15
  微电影以其短小精悍的艺术表现方式,尤其受到电影爱好者的钟爱,以下是查字典范文大全特意整理了一些关于微电影剧本范文和相关材料,希.........
最新校园情景剧剧本10分钟(3篇)
发布时间:2023-07-27
在日常的学习、工作、生活中,肯定对各类范文都很熟悉吧。写范文的时候需要注意什么呢?有哪些格式需要注意呢?下面是小编为大家收集的优秀范文,供大家参考借鉴,希望可以......
搞笑小品剧本范文《圣斗士星矢》
发布时间:2023-04-10
  查字典范文大全为大家整理了关于小品剧本范文的相关资料,希望对您有帮助。  旁白。。。  (音乐起,四圣斗士出场<<舞台灯全亮>>并.........
圣诞节快乐相声小品剧本欣赏
发布时间:2022-12-11
圣诞节将至,不少人还在烦恼要表演什么节目,小编告诉你不用愁,下面是小编搜集整理的圣诞节快乐相声小品剧本欣赏,希望对您有帮助。更多精.........
《此去经年》-大学校园爱情dv剧本大全
发布时间:2022-11-07
开场:大的落地窗,风吹动窗帘,雨。女子披散着头发,光着脚,瘫坐在画板前修长的胳膊,瘦削的侧脸。扭头,望向玻璃窗外。第一场: 昼|外雨。女孩瘦削的小腿,一步步穿过巷弄。刘海粘到额头。推开门。母亲对着门.........
《散步》课本剧剧本
发布时间:2023-06-28
主要人物: 奶奶:70岁。体弱多病,温柔而善良。 爸爸:35岁。健谈、幽默、有孝心。 孩子:6岁。 任性、好动。 场 景:早晨,某家客厅。 一 [奶奶上] 奶奶:春天到了。总算又熬过一个冬天。唉,这人一.........
《责任》课本剧剧本
发布时间:2023-06-17
[爸爸拉着兰兰的左耳走上台](爸爸十分的愤怒) [妈妈拉开爸爸的手] [指着爸爸]妈妈:“你这是干什么?”[爸爸推了一下兰兰的肩膀] [兰兰面对观众做了一个鬼脸] [爸爸面对着妈妈] 爸爸:“你瞧这孩子,.........
『影视剧本』爱情故事之:天若有情
发布时间:2023-03-25
这个故事和98爱情故事一样,写于7年前 -------------------------------------------- 结构:故事片 内容:都市时装言情剧,悲剧色彩。 主要人物: A:男: 20 —30岁 职业:.........
电视电影剧本《绕指柔情》
发布时间:2022-11-11
剧情简介 李明是一个有着温和性格,但比较孤僻的青年,胖胖的外表,戴着一副眼镜。他上小学期间就发现自己有着开锁的天赋。但由于患有偷窃恐惧症,所以他只能打开别人家的房门看看新奇,或者一个人躲在家.........
微电影剧本《情定大草原》
发布时间:2022-11-17
  微电影已经成为人们表达自己内心想法的一种方式,查字典范文大全特意为大家整理了关于微电影剧本范文的相关材料,希望对您的工作和生活.........
课本剧《秋游》剧本
发布时间:2022-12-27
场景一:地点:某小学五(2)班学生冬冬家人物:冬冬、冬冬的爸爸妈妈及爷爷奶奶时间:秋游的前一天晚上妈妈:儿子,快看看,妈妈给你带了汽水、面包。冬冬(正在打游戏机):唉呀,烦死了!汽水、面包有什么好吃的啊.........
《马说》课本剧剧本
发布时间:2023-06-01
千里马甲、乙首先登场,并做自我介绍。千里马甲:大家好,我是一匹千里马。(摆出千里马膘肥体壮的造型)千里马乙:大家好,我也是一匹千里马。(也摆出千里马膘肥体壮的造型,并露出互不服输的神情。)究竟我们.........
课本剧《母鸡》剧本
发布时间:2023-06-28
编剧:边州亮旁白:张放舟主母鸡:一班母鸡一:孙思悦公鸭:俞东成母鸭:陈韵祺小鸡:罗宸,庄诗韵,袁家怡,李泓依,赵亦凡,黄兴卉 旁白:我一向讨厌母鸡,不知怎样受一点惊恐。它由前院咕咕到后院,由后院.........
粤语婚礼司仪主持稿 粤语年会主持优秀
发布时间:2023-07-12
范文为教学中作为模范的文章,也常常用来指写作的模板。常常用于文秘写作的参考,也可以作为演讲材料编写前的参考。大家想知道怎么样才能写一篇比较优质的范文吗?下面是小......
2023年粤教版高二语文教学计划下册 粤教版高中语文24篇(大全)
发布时间:2023-04-02
时间就如同白驹过隙般的流逝,我们的工作与生活又进入新的阶段,为了今后更好的发展,写一份计划,为接下来的学习做准备吧!写计划的时候需要注意什么呢?有哪些格式需要注......
电影文学剧本《情义无价》
发布时间:2022-12-04
一个离了婚的男人带着幼小的儿子过着普通的不能再普通的生活 一个美丽善良刚出校门的女大学生闯进了父子俩的情感世界 于是,人性、爱意;流言、压力;真诚、热情构成了一幅幅感人肺腑、令人 .........
MV音乐剧本《爱情始发站》
发布时间:2023-03-08
我的这篇剧本适合“真爱”题材的音乐, 男女主人公在车站相遇,相恋。因男主人公聋哑,从未曾对女人公说过任何话,女主人公也不曾打探男主人公的一切,只是用无言的承诺陪伴男主人公每天在车站等车。突然有一.........
爱情的一分钟演讲 爱情一分钟小剧本大全(14篇)
发布时间:2023-07-23
在日常的学习、工作、生活中,肯定对各类范文都很熟悉吧。范文书写有哪些要求呢?我们怎样才能写好一篇范文呢?以下是我为大家搜集的优质范文,仅供参考,一起来看看吧爱情......
课本剧《白头翁》剧本
发布时间:2023-06-04
人物:喜鹊妈妈及小喜鹊:白头翁;黄莺;大雁及小雁甲、小雁乙、小雁丙。布景:台上有树木、山石及花草,一片美丽自然景致。 (幕启。小喜鹊搬着一截木头上。)小喜鹊:妈妈,我又搬来了木头 ……喜鹊.........
《恋之语》第六集剧本
发布时间:2022-11-21
第六集剧集梗概:陆雪儿身陷困境,被免去助理职务的当天,因过度伤心,在路上被汽车撞倒。陆雪儿的受伤,使索彤倍感自责,她找到龚诚昱质问其原因,并向他讲述了关于陆雪儿的事情。雪儿出院的当天,龚诚昱出.........
《恋之语》第三集剧本
发布时间:2023-03-09
这是一部集时尚、自然美景and感人情节于一体的20集现代爱情剧。 这是一曲催人泪下的《恋之语》,最终的结局…… 第三集剧集梗概:龚诚昱发现陆雪儿并不擅长助理工作,对公司的人事聘任产生怀疑。刘.........
青春物语(电影剧本)
发布时间:2023-05-18
人物表杜雨田——男,25岁,送奶工,外形英俊而又成熟。杜奶奶——女,77岁,杜雨田奶奶,家庭妇女,因久病而瘦弱。秦丽丽——女,22岁,大学中文系学生,外形高雅、美丽,衣着也很讲究。秦奶奶.........
英语小剧本小红帽
发布时间:2023-05-17
Little Red Riding Hood第一场:Little Red Riding Hood家Mum: (妈妈拿着一个篮子,把桌子上的水果放在篮子里)Little Red Riding Hood:(唱着歌,欢快地跑进来)Hi,mummy, what are you.........
日本电影情书经典台词 日剧《情书》经典台词大全
发布时间:2023-07-12
日本电影《情书》的台词温暖,充满着浓浓的爱意,作为5月20日网络情人节上映的电影,小伙伴们不想去电影院陪着你心爱的他(她)一起去看看嘛。下面是查字典范文网小编为......
英语童话剧:白雪公主<剧本>
发布时间:2022-12-27
SNOW WHITE CONTENTSSW---白雪公主 Q---皇后 M---魔镜 H---猎人P---白马王子 D---小矮人 A---小动物音乐起,旁白A long time ago, In a beautiful kingdom, there lived a young king and q.........
最新《兄弟》策划书 兄弟情短剧剧本(4篇)
发布时间:2023-07-12
在日常的学习、工作、生活中,肯定对各类范文都很熟悉吧。相信许多人会觉得范文很难写?这里我整理了一些优秀的范文,希望对大家有所帮助,下面我们就来了解一下吧。《兄弟......
《恋之语》第七集剧本
发布时间:2023-01-25
这是一部集生活时尚、自然美景and感人情节于一体的经典爱情剧。 这是一曲催人泪下的《恋之语》,最终的结局…… 第七集剧情梗概:刘实初准备向雪儿求婚,但与龚诚昱和张美怡地意外碰面,打乱了他的.........
课本剧《强项令》剧本
发布时间:2022-10-25
第一幕地点:市集出场人物:李大爷(简称“李”)、牛二(简称“牛”)、衙役二人(简称“衙”)李:(面前一案,案上放着一筐梨)(叫卖)甜润爽口的鸭嘴梨,只卖10文钱一斤――[独白]老汉我姓李,今年62岁。老.........
电视剧剧本网 电视剧剧本格式(7篇)
发布时间:2023-04-12
范文为教学中作为模范的文章,也常常用来指写作的模板。常常用于文秘写作的参考,也可以作为演讲材料编写前的参考。相信许多人会觉得范文很难写?下面我给大家整理了一些优......
学校英语戏剧比赛用剧本一LittleRedRidingHoo
发布时间:2023-03-13
学校英语戏剧比赛用剧本一 Little Red Riding HoodOne day, Mother asked Little Red Riding Hood to take some fruits to her grandma, because Grandma was ill. On her way to G.........
2023年英语舞台剧剧本实用(五篇)
发布时间:2023-05-24
范文为教学中作为模范的文章,也常常用来指写作的模板。常常用于文秘写作的参考,也可以作为演讲材料编写前的参考。范文书写有哪些要求呢?我们怎样才能写好一篇范文呢?下......
音乐剧剧本
发布时间:2023-07-15
音乐剧《丁香花》剧情简介:本剧为独幕剧。共分为三个场次。丁香是一个刚刚大学毕业的女孩。与多数毕业生一样在选择工作时遇到了困惑。她迷失在父母的安排与同学的邀请中。为了舒缓积郁的心情,她来到了一个大山.........
《恋之语》第一集剧本
发布时间:2023-03-27
第一集这是一部集时尚、自然美景and感人情节于一体的20集现代爱情剧。 这是一曲催人泪下的《恋之语》,最终的结局…… 第一集梗概:为了给已分手的男友霍雨送行,陆雪儿在机场与刚下飞机的龚诚.........
2023年中学校园情景剧剧本5分钟(三篇)
发布时间:2023-06-22
每个人都曾试图在平淡的学习、工作和生活中写一篇文章。写作是培养人的观察、联想、想象、思维和记忆的重要手段。那么我们该如何写一篇较为完美的范文呢?下面是小编帮大家......
课本剧《蒲公英》剧本
发布时间:2023-02-14
(旁白)(配乐)蒲公英的花瓣落了,花托上长出了洁白的绒球。一阵阵风儿吹过,那可爱的绒球就变成了几十个小降落伞。它们离开了妈妈的怀抱,自由自在地飞向广阔的天地。(小蒲公英们飞翔着)(太阳公公上)种子们.........
感人爱情微电影 爱情微电影剧本《情人》
发布时间:2023-07-17
主人公王清明是一位事业有成的男人,有一位四十多岁的老婆李丽,是王清明在事业成功之前由农村老家介绍相识的,长得不漂亮或者说是年老色衰,但曾经陪王清明创业初期的艰苦岁月。人一旦有了钱良心就会变质,王清.........
2023年芭蕾舞剧海盗全剧剧情介绍精选
发布时间:2023-07-28
每个人都曾试图在平淡的学习、工作和生活中写一篇文章。写作是培养人的观察、联想、想象、思维和记忆的重要手段。那么我们该如何写一篇较为完美的范文呢?下面是小编为大家......
都市言情剧本 写字的女人
发布时间:2023-03-15
该剧本主要描述先进都市的女性自由撰稿人的生活。她们的生活水准一般偏高,过着小资生活,但因为工作的关系使其思想多数极为复杂。该剧从笔者身边的几个朋友的故事引申出来,其性格魅力很独特。其世俗的见解.........
《说……》短剧剧本
发布时间:2023-07-16
时间:可能是夜晚,这样的交谈,也许在夜里最好……地点:宠物医院的候诊厅。左后台区模糊不清。人物:母亲,菲菲。[暗场。只能听见母女的声音。母亲:我们终于在一起了,有多久我们没在一起了?菲菲:应该是很久.........
课本剧《小巷深处》剧本
发布时间:2023-02-27
人物:林莉、英姨、老婆婆、室友、群众演员、旁白员。道具:竹棒、冰棍箱、鸡蛋一包、生活费若干元、布娃娃、破布袄各一。背景乐:《世上只有妈妈好》。场景一旁白:在一个初秋的早上,天还不太冷,树上飘落着几.........
安全教育剧本之三
发布时间:2022-12-06
(隔一秒)自然、优雅、铿锵有力~ 甲:随着人们物质生活水平的提高,人们的生活节奏也越来越快,随之而来的是各种安全隐患也随之增多。路上越来越多飞驰的车辆,各种能源的大量采集、消耗,各行各业不断追求着效.........
安全教育剧本之一
发布时间:2023-04-17
(隔两秒)表情自然,吐字清晰! 合:各位同志们好!我们是从清华大学毕业的,今天也特地来这捧场的!甲:呵呵,其实就是清水塘华人大学毕业的,简称为“清华”乙:谁不希望有个完整的家?谁不希望自己有婀娜的.........
安全教育剧本之二
发布时间:2023-02-17
(隔两秒),表情丰富、吐字清晰! 甲:记得小时侯,刚学会走路时,我每次都是爬楼梯,妈妈都要叮嘱道:“孩子,小心哪!”上幼儿园时,有一次去邮局参观,路上,老师指着一条条白线和十字路口的灯,亲切地告诉.........
十集情感类电视剧本《纸婚》
发布时间:2023-03-28
第一集 1、冬。晨。矿区的一条甬路上。 天色还没有大亮,可以看见甬路两边锯齿状的花坛,里面冬青树的叶子上蒙着厚厚的煤尘。一些刚下班的矿工在甬路上走着,他们穿着黄色的工作服,戴着安.........